Bu skeleti açanda hər dəfə güclü yağışlar yağır

Yüzillərdir Yaponiyada saxlanılan mumiyalanmış “göy qurşağı əjdahası”nın sirri, nəhayət ki, açılıb.

“Fox News” xəbər verir ki, bu sirli qalıqları 1429-cu ildə məşhur şoqun Yoşinori Aşikaga aşkar edib.

Əfsanəyə görə, Aşikaga Narada yerləşən Todaici məbədini ziyarət edərkən nadir və qiymətli ranjatay adlanan ağardılmış ağac növündən bir parça kəsmiş və həmin vaxt “kiçik əjdahaya bənzəyən” günəşdə qurumuş bir varlıq görmüşdü.

Məbədin bir rahibi daha sonra bu “əjdaha” haqqında danışmış, Aşikaga isə skeleti özü ilə götürərək xəzinədə saxlamışdı. Lakin yeni tədqiqat nəticələri göstərir ki, bu skelet əslində əjdahaya deyil, dişi yapon qırqovuluna, daha dəqiq, Martes cinsindən olan yapon qırqovuluna məxsusdur.

Araşdırma zamanı rentgen texnologiyası və radio-karbon analizindən istifadə olunaraq müəyyən edilib ki, bu qırqovulun yaşı XI-XII əsrlərə aiddir. Əfsanəyə əsasən, hər dəfə bu skeletin saxlanıldığı xəzinə açıldıqda bölgəyə güclü yağış yağırdı.

Tədqiqatçılar da Tokiodan Naraya səfərləri zamanı güclü leysanlarla qarşılaşıblar.