Bu, sonun başlanğıcıdır | ABŞ nəşrindən Ukrayna ilə bağlı sensasiyalı məlumat

Ukraynanın Rusiya hərbi hava bazalarına dronlarla endirdiyi zərbə beynəlxalq mediada geniş rezonans doğurub.

"The Washington Post" bu hücumu 1941-ci ildə Yaponiyanın ABŞ-yə qarşı həyata keçirdiyi Perl-Harbor hücumu ilə müqayisə edib.

Bazar günü Ukrayna ordusu eyni vaxtda beş Rusiya aviabazasını FPV tipli döyüş dronları ilə hədəfə alıb. Analitiklərə görə, “Pautina” adlandırılan bu əməliyyat müasir döyüş taktikalarında dönüş nöqtəsi ola bilər və pilotlu aviasiyanın sonunun başlanğıcı sayılır.

Ukraynanın onminlərlə dollara başa gələn dronları ilə Rusiya tərəfinin təqribən 2 milyard dollar dəyərində hərbi təyyarələri sıradan çıxarılıb.

"The Washington Post" yazır ki, hərçənd bu hücum birbaşa Perl-Harborla eyniləşdirilə bilməz, çünki Ukrayna müdafiə olunur, müharibəyə başlamayıb. Ancaq hər iki halda köhnə hərbi sistemlərin nə qədər həssas olduğu ortaya çıxır.