Pleyeri seçin:
Bu, terror aktıdır | ABŞ-dəki hadisə ilə bağlı FTB-dən təcili açıqlama
ABŞ-nin Kaliforniya ştatında avtomobilin partlaması nəticəsində bir nəfər həlak olub, azı 4 nəfər yaralanıb.
"Report" bu barədə "NBC News"a istinadən xəbər verir.
Məlumata görə, bomba yüklü avtomobil tibb mərkəzinin yaxınlığında partladılıb. Polis və yanğınsöndürənlər hadisə yerinə cəlb olunublar. Ətraf ərazi təhlükəsizlik baxımından təxliyə edilib.
ABŞ Federal Təhqiqatlar Bürosu faktı terror aktı kimi qiymətləndirib.
“Bu, düşünülmüş terror aktıdır. Araşdırma apardıqca bunun beynəlxalq və ya daxili terror olduğunu müəyyən edəcəyik”, ‒ deyə məlumatda bildirilir.
Federal Təhqiqatlar Bürosu hücumun hədəfinin tibb müəssisəsi olduğuna inanaraq cinayətdə şübhəli bilinən şəxsin adını çəkməkdən imtina edib. Çünki bu, istintaqa mane ola bilər.
Kopyalandı
