Dünya
Pleyeri seçin:
Bu, Üçüncü Dünya müharibəsi olacaq! - Nüvə silahı işə salınır?
Belarus Prezidenti Aleksandr Lukaşenko NATO-nun ölkəsinə hücum edəcəyi təqdirdə nüvə silahından istifadə olunacağını açıqlayıb.
O, bir müddət əvvəl belə hücumun Üçüncü Dünya müharibəsinə səbəb olacağı barədə açıqlamasını da xatırladıb.
A.Lukaşenkonun sözlərinə görə, Rusiya Prezidenti Vladimir Putin bu yaxınlarda nüvə doktrinasına dəyişiklik etməklə təsdiqləyib ki, Rusiya və Belarusa hücum halında Moskva nüvə silahından istifadə etmək hüququnu özündə saxlayır.
“Bu artıq Üçüncü Dünya müharibəsi olacaq. Qərb də bunu istəmir. Buna hazır deyillər. Ancaq biz onlara açıq deyirik: dövlət sərhədi – qırmızı xətdir. Belə hücumun cavabı dərhal veriləcək. Biz buna hazırlaşırıq. Bu barədə dürüst və açıq danışıram”, – deyə A.Lukaşenko vurğulayıb.
Kopyalandı
Seçilmişlər
