Bu zəng Rusiya-Ukrayna müharibəsinin taleyini həll edəcək? - ABŞ razılaşdı ki...

ABŞ Dövlət Departamenti Ukraynaya 330 milyon dollar dəyərində hərbi yardımın göndərilməsinə razılıq verib.

Yardım paketinə artilleriya və Hava Hücumundan Müdafiə sistemlərinin detalları, həmçinin təmir xidməti daxildir.

Pentaqonun məlumatına görə, yardımlar ABŞ-nin “BAE Systems”, “Allison Transmission”, “Daimler Truck North America”, “Sierra Nevada Corporation”, “Radionix”, “Systems Electronic Export” şirkətləri tərəfindən çatdırılacaq:

“ABŞ-nin Ukrayna siyasəti dəyişə bilər. Buna səbəb Kiyevin Rusiya tərəfindən atəşə tutulmasından sonra Donald Trampın xüsusi nümayəndəsi Kit Kelloqun təşəbbüsüdür”.

UNIAN-da yayılan yazıda qeyd olunub ki, hər şey Polşanın xarici işlər naziri Radoslav Skorskinin iyulun 4-də K.Kelloqa zəng vurması ilə başlayıb. Çünki bu telefon danışığından sonra K.Kelloq Ukraynaya hərbi yardımın bərpası ilə bağlı Donald Trampa müraciət edib. Ukraynaya “Patriot” sistemlərinin göndərilməsi bundan sonra qabarıb. D.Tramp bu dəstəyi Volodimir Zelenski ilə telefon danışığında da təsdiqləyib.

Qeyd edək ki, ABŞ və digər NATO üzvlərinin Ukraynaya 10 milyard dollar dəyərində hərbi yardım göndərəcəyi dəqiqləşib.