Bundan sonra ABŞ Rusiya ilə... | Ukraynanı silkələyəcək qərar

ABŞ bütün kəşfiyyat məlumatlarının Ukraynaya ötürülməsini dayandırıb.

Bu haqda “Sky News“ ukraynalı mənbəyə istinadən məlumat yayıb.

“Bir neçə saat əvvəl bütün məlumat mübadiləsi dayandırılıb”, – deyə mənbə qeyd edib.

Qeyd olunub ki, bundan sonra Amerika Rusiya ilə bağlı Ukraynaya heç bir kəşfiyyat məlumatı ötürməyəcək.

“Bu məlumatlar əsasında kordinasiya yürüdən fərdlərin də fəaliyyəti dayandırılıb. Bu qərar Ukraynanın uzun mənzilli pilotsuz təyyarələri vurmaq imkanını xeyli zəiflədəcək”, – deyə mənbə iddia edib.

Ağ Evin Milli Təhlükəsizlik üzrə müşaviri Mayk Uolts isə açıqlamasında deyib ki, tərəflər arasında sülh danışıqları və etimadın möhkəmləndirilməsi prosesi gedərsə, Tramp Ukraynaya yardımı bərpa etməyi nəzərdən keçirə bilər.

O “Fox News”a bildirib ki, Ukrayna ilə danışıqların tarixi və yeri ilə bağlı müzakirələr davam edir. Hər şey baş tutması ehtimal edilən görüşdən asılıdır.