Bundan sonra müharibə bitəcək və... | Tramp atəşkəslə bağlı detalları açıqladı

24 iyun 2025 316 baxış

İran və İsrail arasında atəşkəslə bağlı razılıq əldə olunub.

Bu barədə ABŞ Prezidenti Donald Tramp öz “Truth” hesabında məlumat verib.

“Hamını təbrik edirəm! İsrail və İran arasında tam və ümumi şəkildə razılaşdırılıb ki, təxminən 6 saat sonra hər iki tərəf hazırda davam edən son missiyalarını başa çatdırdıqdan sonra tam və qəti atəşkəs elan ediləcək. Bu atəşkəs 12 saat davam edəcək və bu müddətin sonunda müharibə rəsmi olaraq bitmiş hesab olunacaq! Rəsmi olaraq, İran atəşkəsə başlayacaq və 12-ci saatda İsrail də atəşkəsə başlayacaq. 24-cü saat tamam olanda isə 12 günlük müharibənin rəsmi sonu bütün dünya tərəfindən alqışlanacaq”, ‒ deyə Tramp qeyd edib.

Daha sonra o, hər iki ölkəni bu müharibəni bitirmək üçün göstərdikləri dözümlülük, cəsarət və zəka ilə bağlı təbrik etdiyini deyib.

Tramp bildirib ki, bu, illərlə davam edə biləcək və bütün Yaxın Şərqi məhv edə biləcək bir müharibə idi. Amma bu, baş vermədi və heç vaxt da baş verməyəcək.

#İsrail-İran münaqişəsi