“Bunlar gizlədilir!”- Dünyanı silkələyəcək müharibənin başlamasına az qaldı?

“İran ABŞ-İsrail yeni təcavüzünə gizlədilməsi mümkün olmayacaq şəkildə qəti cavab verəcək”.

Bu barədə İslam Respublikasının Xarici İşlər Nazirliyi rəhbəri Abbas Ərağçi sosial şəbəkəsindəki hesabında yazıb.

“İran ABŞ və İsrailin son təcavüzü zamanı həm bizə, həm də rəqiblərimizə qarşı nə baş verdiyini, o cümlədən zərbələrin miqyasının hələ də gizlədildiyini dəqiq bilir. Təcavüz təkrarlanarsa, biz daha qətiyyətli və gizlətmək mümkün olmayan şəkildə cavab verməkdən çəkinməyəcəyik”, ‒ deyə o bildirib.

İranın XİN rəhbərinin sözlərinə görə, 12 günlük müharibə zamanı ABŞ və İsrail həqiqətən də İranın nüvə infrastrukturuna zərər vurmağa nail olub, lakin Tehranın uranın zənginləşdirilməsini davam etdirmək əzmini azaltmayıb.

“Böyük insan zəhməti ilə yaradılmış texnologiya bombardman etməklə məhv edilə bilməz”, ‒ deyə Ərağçi əlavə edib.

Bundan əvvəl ABŞ Prezidenti Donald Tramp bildirib ki, İranın nüvə obyektlərini bərpa etməyə cəhd edərsə, o zaman ABŞ yeni zərbə endirməyə hazırdır.