Pleyeri seçin:
Cənubi Koreyada kişilərin sayı kəskin azalır
Cənubi Koreya ordusundakı əsgər sayı son altı ildə 20 faiz azalaraq 450 min nəfərə enib.
Müdafiə Nazirliyinin məlumatına görə, bu mənfi tendensiyanın əsas səbəbi məcburi hərbi xidmət yaşında olan kişi əhalinin kəskin şəkildə azalmasıdır.
Dünyada ən aşağı doğum səviyyəsinə malik olan ölkədə bu vəziyyət zabit heyətində boşluqlar yaradır və uzunmüddətli perspektivdə əməliyyat imkanlarına təsir göstərir.
2000-ci illərin əvvəlində ölkədə əsgərlərin sayı təxminən 690 min olub. 2010-cu illərin sonlarında kiçilmə prosesi sürətlənib və 2019-cu ildə bu rəqəm 563 minə düşüb.
2019-2025-ci illər arasında 18 aylıq məcburi hərbi xidmət edən 20 yaşlı kişi əhalinin sayı 30 faiz azalaraq 230 min nəfər geriləyib.
Ölkədə bəzi dairələr çatışmazlığı aradan qaldırmaq üçün qadınların da hərbi xidmətə cəlb edilməsini təklif edir.
Kopyalandı
