CHP-nin keçmiş sədri Dəniz Baykal vəfat edib

Türkiyənin tanınmış dövlət xadimi, siyasətçi və hüquqşünas, Cümhuriyyət Xalq Partiyasının keçmiş sədri, millət vəkili Dəniz Baykal vəfat edib. Bu barədə "TRT Haber" məlumat yayıb.

Qeyd edək ki, D.Baykal 1973-cü ilin oktyabr ayında Türkiyə Böyük Millət Məclisinə keçirilən seçkilərdə Cümhuriyyət Xalq Partiyasından millət vəkili seçilib. 1974-cü ildə maliyyə naziri, 1978-ci ildə isə energetika və təbii sərvətlər naziri olub. 1995-ci ildə xarici işlər naziri vəzifəsini icra edib. 1999-cu ildə parlament seçkilərində CXP ilk dəfə parlamentdən kənarda qalır. Partiyasının seçkilərdə uğursuzluğundan sonra Baykal partiya sədrliyi vəzifəsindən getdiyini bildirir. 2007-ci ildə yenə Baykalın liderliyindəki CXP Türkiyə parlamentinə keçirilən seçkilərdə səslərin 20,8 faizini əldə edərək məclisdə əsas müxalifət partiyasına çevrilir.