Ciddi partlayışlar oldu | Rusiya və Ukrayna arasında qızğın döyüşlər gedir

Rusiya hava hücumundan müdafiə qüvvələri iyunun 18-dən 19-na keçən gecə Ukraynaya məxsus 81 pilotsuz uçuş aparatını məhv edib.

Bu barədə Müdafiə Nazirliyi məlumat verib.

Bryanskda 19, Kurskda 17, Smolenskdə 13, Volqoqradda 7, Orlovda 6, Rostov və Krımda ümumilikdə 10, Belqorod və Həştərxanda 6, Ryazanda 2, Moskva vilayəti üzərində isə 1 ədəd PUA zərərsizləşdirilib.

“Rosaviasiya”dan isə bildirilib ki, hava hücumu ilə əlaqədar olaraq Volqoqrad və Saratov hava limanlarında müvəqqəti məhdudiyyətlər tətbiq edilib.

“Sərnişinlərin təhlükəsizliklərinin təmin edilməsi məqsədilə təyyarələrinin qəbulu və uçuşuna müvəqqəti məhdudiyyətlər tətbiq edilib”, – deyə məlumatda qeyd olunub.

Gecə ərzində Rusiya silahlı qüvvələri də Ukraynanın ərazilərini raket və dronlarla atəşə tutub. Dnepropetrovsk vilayətinin qubernatoru Sergey Lısak telegram kanalında vurğulayıb ki, iyunun 19-u səhər saatlarında vilayətin bir neçə rayonuna hücum olub.

Hadisə nəticəsində yaşayış evlərinə ziyan dəyib, yanğın və partlayışlar baş verib. Mülki şəxslərin yaşadıqları ərazilərə atılan PUA səbəbi ilə bir neçə nəfər yaralanıb.