Çin hərbi və diplomatik fəaliyyətini genişləndirir

Pekində nəhəng hərbi kompleksin və nüvə bunkerinin inşası, eləcə də super səfirlik layihəsi Çinin qlobal ambisiyaları ilə bağlı şübhələri artırır.

Paytaxtın cənub-qərbində, təxminən üç mil ərazini əhatə edən iri hərbi kompleksin sürətli inşası davam edir. 2022-ci ildən fəal şəkildə tikilən bu obyekt artıq "Pekinin hərbi şəhəri" adlandırılır.

Analitiklər hesab edirlər ki, onun miqyası qlobal hərbi balansda dəyişikliklərə gətirib çıxara bilər. Xüsusi narahatlıq doğuran məqam isə obyektin nüvə bunkerinin mövcudluğudur.

"Bu, sadəcə növbəti hərbi baza deyil – Çinin hərbi hazırlığının yeni mərhələsinə keçidini göstərən strateji siqnaldır", – deyə hərbi ekspertlər bildiriblər.

Eyni zamanda Çin diplomatik fəaliyyətini də genişləndirir. Londondakı "London Tauer" yaxınlığında inşa olunan nəhəng səfirlik binası Böyük Britaniya və ABŞ rəsmilərinin narahatlığına gətirib çıxarıb. Onlar hesab edirlər ki, bu obyekt kəşfiyyat mərkəzinə çevrilə bilər.

Mütəxəssislər Çinin bu addımlarını diqqətlə izləyirlər və onların müdafiə xarakterli, yoxsa daha geniş geosiyasi iddialara xidmət edib-etmədiyini anlamağa çalışırlar.