Çin niyə Şimali Koreya və Rusiyanın yaxınlaşmasından narahatdır? - Əsas səbəb isə...

“Şimali Koreyanın bütün qərarlarını Pekinlə birgə verməsi ilə razılaşmıram. Təbii ki, Şimali Koreya da Rusiya kimi bəzi qərarları Çinə çatdırır və Çinin maraqlarına zidd hərəkət etməməyə çalışır. Lakin Pxenyan müəyyən qərarlara Çinin razılığını almır. Pxenyanla Moskva arasında xüsusi münasibətlər məsələsi də onlardan biridir”.

Bunu ukraynalı politoloq Vladimir Fesenko deyib.

“Çin Şimali Koreyaya tam nəzarət etmir. Bəli, Şimali Koreya Çindən asılıdır, lakin o, heç vaxt Pekinin marioneti olmayıb. Stalinin dövründən Şimali Koreya Rusiyaya daha yaxın olub.

İqtisadi baxımdan Şimali Koreya Çindən asılıdır, siyasi baxımdan isə Moskvaya yaxındır. Əgər ABŞ Şimali Koreyanın Çindən asılı olduğuna inansaydı, heç vaxt Pxenyanla danışıqlar aparmaz, birbaşa Pekinə müraciət edərdi və o zaman Tramp Şimali Koreya lideri ilə görüşmək üçün səfər etməli olmazdı.

Bəli, əminliklə demək olar ki, Çin Şimali Koreya ilə Moskva arasında strateji razılaşmaya həvəs göstərməyib. Çünki bu, Rusiyanın Pxenyana təsirini artırması deməkdir və Çin də iki səbəbdən Rusiyaya qoşun yeritmək qərarından narazıdır. Birincisi, bu, Çinin Şimali Koreyaya nəzarət etmədiyinə işarədir. Lakin ikinci səbəb daha vacibdir – bu, Çin-Braziliya sülh planına ziddir. Onun əsas məqsədi müharibənin gərginliyini azaltmaqdır. Başqa ölkənin bu müharibədə iştirakı isə eskalasiyadır. Bunu hətta Lukaşenko da deyib”, – V.Fesenko qeyd edib.