Çin şirkətlərinin bu dəfə bəxti gətirmədi | “Kosmik yarış”da senasiyalı gediş

Çinin iki ən böyük şəbəkəsi planlaşdırılan peyklərin cəmi 1%-dən azını orbitə çıxarıb.

Bu barədə “The New York Times” nəşri yazıb.

Bildirilir ki, bu, Çinin İlon Maskın “Space X” şirkəti ilə kosmik rabitə uğrunda yarışda geridə qaldığını göstərir.

Aşağı Yer orbitində yerləşən peyklər pilotsuz avtomobillər, dronlar vasitəsilə aparılan döyüş əməliyyatları və hərbi müşahidə üçün vacib hesab olunur.

Nəşr yazır ki, Çin “Starlink”i hərbi təhdid kimi qiymətləndirir və buna görə kosmik sistemlərin inkişafına böyük vəsait yatırır. Çin orbitə təxminən 27 min peyk yerləşdirməyi planlaşdırır:

“Lakin Çin şirkətləri hələ də əsas texniki maneəni aşa bilməyib. Gecikmələrin əsas səbəblərindən biri etibarlı təkrar istifadə olunan raket daşıyıcısının olmamasıdır. Çin şirkətləri hələ də peykləri birdəfəlik raketlərlə orbitə çıxarır. Peyklər yerləşdirildikdən sonra raket hissələri ya Yerə düşür, ya da kosmik tullantıya çevrilir.

İlk şəbəkə olan “Qianfan” ilin sonuna qədər orbitdə təxminən 650 peyk yerləşdirməli idi. Lakin avqustda buraxılışlara başlandığı vaxtdan bəri yalnız 90 peyk orbitə çıxarılıb. Digər şəbəkə olan “Guowang” isə daha da geri qalır. Gələcək on il ərzində təxminən 13 min peyk buraxmaq planlaşdırılsa da, hazırda orbitdə cəmi 34 peyk var. Eyni zamanda “Space X” şirkətinin orbitdə təxminən 8000 “Starlink” peyki mövcuddur”.