Çində güclü zəlzələ | Yüzlərlə insan həlak oldu

Çində güclü zəlzələ baş verib, xeyli sayda ölən var.

Belə ki, gecə yarısı maqnitudası 6,2 bal olan bir neçə yeraltı təkan qeydə alınıb. Zəlzələ ocağı 10 km dərinlikdə olub.

Ölkənin Qansu və Çinxay əyalətlərində təbii fəlakət nəticəsində azı 111 nəfər ölüb, 236 nəfər yaralanıb. Bu barədə ölkənin Mərkəzi Televiziyası məlumat yayıb.

Həmçinin Çinin Sincan-Uyğur Muxtar Vilayətində isə 5,2 bal gücündə zəlzələ qeydə alınıb. Bu barədə Avropa-Aralıq dənizi Seysmoloji Mərkəzi xəbər verib.

Hələlik tələfat və ya dağıntılar barədə məlumat verilməyib.