Çində “xoşbəxt deyilsənsə, işə gəlmə” icazəsi tətbiq olunur

Çində "Pang Dong Lai" şirkətinin qurucusu Yu Donglai işçiləri üçün "xoşbəxt deyilsənsə, işə gəlmə" icazəsini tətbiq etməyə başlayıb.

İşçilər özlərini stresli, məyus, tükənmiş və ya istirahətə ehtiyacı olduğunu hiss edəndə rəhbərlikdən icazə almadan işə gəlməmə hüququna malikdir.

Qeyd olunur ki, icazə üçün rəhbərliyin təsdiqi tələb olunmur, qərar tamamilə işçinin özünə aiddir. Məqsəd emosional və zehni sağlamlığı fiziki sağlamlıq qədər önəmli hesab etməkdir. Şirkət artıq gündə 7 saat iş rejimi və geniş illik məzuniyyət haqqı kimi işçilər üçün rahat şərait təmin edən tətbiqləri ilə tanınır.

Yu Donglaiyə görə, rahatlamış və xoşbəxt işçi daha məhsuldar olur, işdə uzun müddət qalır və davamlı performans göstərir. Bu model Çində xeyli diqqət çəkib və işçiyə yönəlmiş iş mədəniyyətinin nümunəsi hesab olunur.