CNN-dən iddia: Yaxın Şərq münaqişəsində sıravi vətəndaşların kriptovalyuta "köməyi"

HƏMAS yaraqlılarının ən əsas sponsorlarından biri sıravi vətəndaşlardır. Belə bir iddia ilə CNN çıxış edib.

Kanalın araşdırmaçılardan ibarət heyəti bildirir ki, HƏMAS-ın terror hücumları həyata keçirmək üçün ən mühüm gəlir mənbəyi onlayn ianələrdir. Amerikalı müstəntiqlər isə hətta bu işdə HƏMAS-a kriptovalyuta göndərən onlayn donorların varlığını da aşkar ediblər.

Bəs sözügedən kripto pul kisələrinin ünvanlarını insanlar necə tapırlar? HƏMAS-a pul necə ianə edilir?

Çox sadə. Bunun üçün sosial şəbəkələrdən əsl tranzit kimi istifadə olunur. Kriptovalyutaların lazımi ünvana çata bilməsi “X”, həmçinin “Facebook” sosial şəbəkələrindəki səhifələr üzərindən həyata keçirilir.

Şirkət işçilərinin sözlərinə görə, oktyabrın 7-də İsrailə ilk hücumlardan sonra HƏMAS-ı dəstəkləyən təşkilat “Gazza Now”a 21 min dollar dəyərində rəqəmsal aktivlər bağışlanıb.

Oktyabrın 9-da isə həmin şirkətin əməkdaşları birjaya təxminən 2000 dollar dəyərində sikkələr göndəriblər. Lakin qara pullar siyahısına daxil edilən bu ianələr dərhal dondurulub.

Kriptovalyuta hesab edilən “Tether”in 9000 dollar dəyərində stabilkoinləri kilidlənib. Nəticədə maddi dəstək gözləyən “Gazza Now” silahlı qruplaşma dəstələrinin baş ofis adlandırdıqları heyət 10.000 dollardan çox olmayan kriptovalyuta ilə kifayətlənməli olub.

HƏMAS yaraqlıları özləri də bu tərz ianə edənlərə elə sosial media üzərindən təşəkkürlərini bildirməklə bərabər, həm də daha çox dəstək üçün çağırışlar da səsləndiriblər.