Cüdoçularımız açıq Avropa turnirinə uğurlu start verib

Cüdoçularımız açıq Avropa turnirinin ilk günündə uğurla çıxış ediblər.

Təmsilçilərimiz Bosniya və Herseqovinanın paytaxtı Sarayevoda keçirilən yarışda 1 qızıl və 1 gümüş olmaqla 2 medal qazanıblar. 73 kq çəki dərəcəsində çıxış edən Nəriman Mirzəyev finalda isveçrəli Naim Mata qalib gələrək fəxri kürsünün ən yüksək pilləsinə qalxıb. Daha bir idmançımız 66 kq-da yer alan İslam Mehraliyev isə həlledici görüşdə Böyük Britaniya təmsilçisi Samuel Halla məğlub olaraq gümüş medalla kifayətlənib.

Qeyd edək ki, Avropa turnirində 31 ölkədən 264 idmançı qüvvəsini sınayır. Ölkəmiz yarışda 7 çəki dərəsində 21 cüdoçu ilə təmsil olunur.