Danielyan erməniləri başına topladı | Hökumət binası mühasirə altında

Ermənistanda bir aya yaxındır davam edən “Vətən naminə Tavuş” adlı etiraz dalğası səngimək bilmir.

Aksiya iştirakçıları artıq hökumət binası qarşısına çatıblar. Yaranan mövcud durumdan narahat olan polis qüvvələri binanın önündə barrikadalar quraraq etirazçıların içəriyə daxil olmasının qarşısını alıb.

Sözügedən binada Baş nazir Nikol Paşinyanın çıxış etdiyini eşidən narazı ermənilər daha da hiddətlənərək dövlət əleyhinə şüarlar səsləndiriblər.

“Ermənistan” fraksiyasının müxalif deputatı Qarnik Daniyelyan isə aksiya iştirakçılarına səslənərək onları yerli vaxtla saat 19:00-da Müqəddəs Anna kilsəsi önündə toplaşmağa və bundan sonra hansı istiqamətdə yürüş ediləcəyinə orada qərar verməyə çağırıb.

Qeyd edək ki, etirazlar başlayan gündən bəri 200-dən çox insan polis tərəfindən saxlanılsa da, sonradan sərbəst buraxılıblar. Cəmi 3 nəfər barəsində həbs qətimkan tədbiri seçilib.