Danimarkada tez-tez baş verən qatar qəzalarının səbəbi nədir?

Danimarkanın şimalında iki qatar toqquşub. İlkin məlumata görə, təxminən 50 nəfər xəsarət alıb.

Qəza Hillered və Kaqerup şəhərləri arasında baş verib. Fövqəladə hallar üzrə xidmətlərin əməkdaşları və polis hadisə yerinə cəlb olunub.

"Sərnişinlər arasında xəsarət alanlar var. Hamı qatarlardan çıxıb, heç kim qalmayıb", – deyə Kopenhagen Yanğınsöndürmə İdarəsinin sözçüsü bildirib.

Qeyd olunur ki, İsteryodveen və Kaqerup arasındakı yol bağlanıb və uzun müddət bağlı qalacağı gözlənilir.

Danimarka təhlükəsiz nəqliyyat sisteminə malik olduğunu iddia etsə də, keçmişdə də qatar qəzaları tez-tez baş verib. 2019-cu ildə qatar qəzası nəticəsində 8 nəfər həlak olmuş, 16 nəfər yaralanmışdı. 2025-ci ilin avqustunda isə Almaniya sərhədi yaxınlığında, Danimarkanın cənubunda qatarın yük maşını ilə toqquşması nəticəsində bir nəfər ölmüş, 27 nəfər yaralanmışdı.

Qeyd olunur ki, hazırkı qəzanın baş vermə səbəbləri araşdırılır.