“Danışıqlar müsbət nəticələnməsə, hərbi variant nəzərdən keçiriləcək” | İsrail Xarici İşlər Nazirliyi

İranın xarici işlər nazirinin müavini Səid Xətibzadə Tehranın ABŞ və İsraillə münaqişəsinin başa çatmadığını, İslam Respublikasının müdafiə strategiyasını davam etdirdiyini bəyan edib.

O bildirib ki, müharibə bütün cəbhələrdə bitməyincə, sülh təmin oluna bilməz.

"Buna görə də hesab edirəm ki, İran öz milli təhlükəsizliyini riskə atmayacaq. İran müxtəlif cəbhələrdə yüksək hazırlıq vəziyyətində və müdafiə mövqeyində qalmağa davam edəcək", – deyə diplomat əlavə edib.

Xətibzadə qeyd edib ki, Tehranın məqsədi ABŞ-nin İran daxilində hər hansı məqsədə nail olmasına imkan verməyərək onu məğlub etməkdir.

Səid Xətibzadənin sözlərinə görə, hazırda bu müharibənin dayandırılmasına və onun əsas səbəblərinin aradan qaldırılmasına diqqət yetirmək lazımdır.

İsrailin xarici işlər naziri Gideon Saar isə sərt bəynatla çıxış edib. O “Əl-Ərəbiyə” telekanalına veridiyi müsahibəsində vurğulayıb ki, əgər ABŞ-nin İranla danışıqları müsbət nəticə verməsə, İsrail hərbi variantı nəzərdən keçirəcək.