Donald Trampın rəqibi geri çəkildi

ABŞ-nin NATO-dakı keçmiş nümayəndəsi Nikki Heyli prezidentlik yarışından geri çəkildiyini açıqlayıb.

O, bu barədə Cənubi Karolina ştatında tərəfdarları qarşısında çıxışı zamanı deyib. “Kampaniyamı dayandırmağın vaxtı gəldi”, – deyə Nikki Heyli bildirib.

O, tərəfdarlarını ABŞ prezident seçkisində Donald Trampı dəstəkləməyə çağırmayıb. Donald Tramp isə öz növbəsində Nikki Heylinin tərəfdarlarını qarşıdan gələn seçkilərdə onun namizədliyini dəstəkləməyə çağırıb.

Bu barədə Tramp sosial şəbəkədəki səhifəsində yazıb. Eyni zamanda Donald Tramp Nikki Heylinin prezidentlik yarışında qalacağına və sona qədər mübarizə aparacağına ümid etdiyini bildirib.

Qeyd edək ki, Nikki Heylinin ABŞ prezidentliyinə namizədlik uğrunda mübarizədən geri çəkilməsi Trampı Respublikaçılar Partiyası üçün öncül namizəd edir.