Donetskin qapısı sayılan Petrovskda şiddətli döyüşlər gedir
Rusiya ordusunun 930 hərbi qulluqçusu hərbi toqquşmalarda öldürülüb.
Ukrayna silahlı qüvvələrinin məlumatına görə, sutka ərzində Rusiyaya aid 500 texnika məhv edilib.
Ukrayna da Rusiyaya PUA hücumuna məruz qalıb. Kiyev vilayətinin Borispol rayonunda anbarlar hədəf alınıb və nəticədə yanğınlar baş verib.
Ukrayna da Rusiyanın müəyyən obyektlərinə PUA hücumu həyata keçirib. Rusiya Müdafiə Nazirliyinin məlumatına görə, 43 dron zərərsizləşdirilib. PUA-lar Rostov, Volqoqrad, Kursk, Belqorod və Krım səmasında vurulub.
“Bir ildən çoxdur ki, Ukrayna ordusu Pokrovsku müdafiə edə bilir. Amma orada vəziyyət getdikcə pisləşir”. Bu sözlər “Sky News”da yayılan yazıda qeyd olunub.
Bildirilib ki, Rusiya ordusu şəhəri mühasirəyə almağa çalışır və hələ ki “dronlarla atəş zonası” yaradılıb.
Londonun Kral Kollecinin araşdırmaçısı Marina Miron qeyd edib ki, Rusiya Pokrovska quru qoşunları ilə hücum etmək istəmir, çünki əməliyyata çox hərbçi cəlb olunmalıdır. Buna görə də ukraynalıları Pokrovskdan çıxarmağa çalışırlar. Pokrovsk Donetskin qapısı sayılır, buna görə də şəhərin itirilməsi Kramatorsk və Slavyanskı da təhdid altında qoyacaq.
Bu arada, Rusiya Müdafiə Nazirliyinin Baş Qərargah rəisi Valeri Gerasimov ordunun irəliləyişləri barədə məlumat verib. Onun sözlərinə görə, Pokrovskda uğur əldə olunur, Donetskin şərqi və Zaporojyedə də irəliləyiş var. Kiyev sadalanan informasiyaları təkzib edib.
#Rusiya-Ukrayna müharibəsi teqi istifadə olunub
- Rusiya NATO və Aİ ölkələrinə cavab verdi
- Ukraynada siyasi vəziyyət gərginləşir | Zelenski ABŞ və Avropadan əsas istəyini açıqladı - Baku TV
- Trampın təzyiqləri fonunda Zelenskini səbirli olmağa çağırdılar
- Azərbaycan-Slovakiya münasibətləri | Tailand və Kamboca arasında gərginlik - YENİ BİR SƏHƏR
- Rusiya haranı ələ keçirdi? | Savaşda kritik mərhələ: “Qoşun bütün istiqamətlərdə...” - Baku TV
