Dünyanı şoka salan hücum əməliyyatı | İran-İsrail münaqişəsi pik həddə

İranın Ali Lideri Ayətullah Əli Xameneinin Tehrandakı iqamətgahlarından biri raketlə vurulub.

Məlumata görə, hazırda Tehranın mərkəzində Hava Hücumundan Müdafiə sistemləri işləyir, səmada İsrail pilotsuz təyyarələrinə yönəldiyi ehtimal edilən yaylım atəşinin izləri görünür. Polis insanların sıx olduğu yerlərdə kütləvi təşvişin qarşısını almağa çalışır.

Bu arada İranın Xüsusi Təyinatlı Qüds Qüvvələrinin komandanı İsmayıl Qaaninin İsrailin zərbələri nəticəsində ölməsi barədə xəbərlər var.

Bu barədə "The New York Times" məlumat yayıb. İ.Qaaninin öldürüldüyü hələ ki rəsmən təsdiq edilməyib.

İslam İnqilabı Keşikçiləri Korpusunun yeni rəhbəri general Məhəmməd Pakpur isə İranın Ali Rəhbərinə müraciətində ölkəyə endirilən zərbələrdən sonra İsrail üçün cəhənnəm qapılarını açacağını vəd edib.

Qeyd edək ki, iyunun 13-nə keçən gecə İsrail Müdafiə Qüvvələri İrana qarşı irimiqyaslı əməliyyata başlayıb. Son məlumatlara görə, İsrailin İranın şərqindəki bölgələrə endirdiyi zərbələr nəticəsində ölənlərin sayı 18-ə çatıb, azı 35 nəfər yaralanıb.