Dünyanın ən böyük tropik meşəsi təhlükə altındadır | Dəhşətli statistika açıqlandı

Planetdə yaşıl zolaqlar azalır, meşələr məhv olur. Səbəb qlobal istiləşmə və meşə yanğınlarıdır.

Mayın 21-də açıqlanan hesabata görə, 2025-ci ilin meşə yanğınları 2024-cü ildəkindən də çox ola, hətta daha geniş ərazini əhatə edə bilər.

6,7 milyon hektar tropik meşə məhv olub. Bu isə 2023-cü ildəki göstəricidən 80 faiz çoxdur. Braziliyada keçirilən iqlim konfransının da əsas məqsədi Amazon meşələrindəki yanğının qarşısının alınmasıdır.

Boliviya və Kanada da meşə yanğınlarından ziyan görüb. Hətta Boliviya tropik meşə yanğınlarının miqyasına görə Konqonu ötüb.

Merilenddəki Dünya Resursları İnstitutunun məlumatına görə, tropik meşələrin məhv olmasına əsas səbəb yanğınlardır. Ekspertləri ən çox qorxudan da elə budur. Çünki rütubətli ekosistemin alovlanması tez-tez rast gəlinən təbii fəlakət sayılmırdı.