Dünyanın ən çirkli pulları | Toxunandan sonra əllərinizi yumasanız...

Demək olar ki, hər kəs pulun bakteriyalar üçün ideal mühit olduğunu azı bir dəfə eşidib.

Bəs hansı ölkələrin pul vahidləri dünyada ən çirkli hesab olunur?

Araşdırmalara əsasən, bütün pullar mikroblar üçün eyni dərəcədə əlverişli deyil. Məsələn, avro, Norveç kronu və Böyük Britaniya funt sterlinqi ən "təmiz" valyutalar sırasındadır. Bunun səbəbi isə bu banknotların xüsusi tərkibə malik kağızdan hazırlanmasıdır ki, bu da bakteriyaların yayılmasının qarşısını alır.

Ən çox bakteriya aşkar edilən valyutalara isə Danimarka, İsveçrə və Rusiyanın pul vahidləri daxildir. Tək bir Danimarka kronunda 40 000, İsveçrə frankında isə 32 000 bakteriya aşkar edilib. Lakin dünyanın ən çirkli pulu kimi tanınan banknot Çin yuanı olub. Bir banknotun üzərində 180 000-dən çox bakteriya tapılıb. Bunun əsas səbəbi Çində nağd pul dövriyyəsinin hələ də çox yüksək olmasıdır.

Araşdırmalar göstərib ki, banknotların üzərində yalnız adi bakteriyalar deyil, cinsi yolla keçən xəstəliklərin törədiciləri də ola bilər.

Bu faktlar bizə pulla təmasdan sonra əlləri yumağın vacibliyini və toxunduğumuz səthlərə diqqətlə yanaşmağın əhəmiyyətini bir daha xatırladır.