Düz 296 ədəd... | Ukraynadan Moskvaya dəhşətə gətirən PUA hücumu

Rusiya Hava Hücumundan Müdafiə qüvvələri mayın 27-si saat 21:00-dan 28-i səhər saatlarına qədər 296 PUA zərərsizləşdirib.

Bu barədə Müdafiə Nazirliyi məlumat verib.

Bildirilib ki, Ukraynaya məxsus təyyarə tipli dronlar Tula, Tver, Smolensk, İvanov, Voronej, Vladimir, Belqorod, Bryansk vilayətləri və Moskvada məhv edilib.

Moskva meri Sergey Sobyanin “Telegram” kanalında yaydığı məlumatda bildirib ki, Zelenoqradda hava hücumu nəticəsində texnoparkın ərazisində yanğın baş verib, binaya ziyan dəyib. Ümumilikdə 33 pilotsuz təyyarə vurulub.

S.Sobyanin ciddi dağıntı və tələfat olmadığını qeyd edib.

“Rosaviasiya”dan isə vurğulanıb ki, Moskvaya edilən aviazərbələrə görə gecə ərzində Domadedova, Vnukovo, Şeremetyevo və Jukovski hava limanlarının fəaliyyətinə uzunmüddətli məhdudiyyətlər qoyulub. Moskva vaxtı ilə saat 07:15-də təyyarələrin gəliş-gedişinə qoyulan məhdudiyyətlər aradan qaldırılıb.

Eyni zamanda Rusiya Silahlı Qüvvələri də gecə ərzində Ukraynanın ərazilərini atəşə tutub. Hücum 6 raket və 88 PUA ilə həyata keçirilib.