Pleyeri seçin:
Əfqanıstan zəlzələ ilə bağlı kömək istədi | Əhalinin tibbi yardıma çıxışı yoxdur
Əfqanıstanın şərqində baş verən dağıdıcı zəlzələdən sonra rəsmilər yaxınlaşan qış ayları ərəfəsində daha çox yardıma ehtiyac olduğunu açıqlayıb.
Zəlzələdən ən çox zərər çəkən Kunar əyalətinin rəsmisi Nəcibullah Hənif bildirib ki, insanların soyuqdan qorunmaq üçün sığınacağa ehtiyacı var.
Zəlzələdə minlərlə evin dağıldığını qeyd edən Hənif beynəlxalq ictimaiyyətə müraciət edərək sağ qalanların əksəriyyətinin yoxsul olduğunu və kənardan dəstək olmadan evlərini bərpa edə bilməyəcəklərini deyib.
Ümumdünya Səhiyyə Təşkilatının açıqlamasına əsasən, təbii fəlakət ümumilikdə 84 minədək şəxsə təsir edib.
Hadisə zamanı 16 tibb ocağının tamamilə sıradan çıxması isə əhalinin tibbi yardıma çıxışını xeyli məhdudlaşdırıb və vəziyyəti daha da ağırlaşdırıb.
Qeyd edək ki, baş verən zəlzələ nəticəsində təxminən 3 min nəfər həlak olub, 4 mindən çox insan isə müxtəlif dərəcəli xəsarətlər alıb.
Kopyalandı
