Əgər onlar yeni valyuta yaratsalar, gömrük rüsumları 100 faiz artırılacaq | Trampdan açıqlama

ABŞ-nin yeni seçilmiş prezidenti Donal Tramp BRICS ölkələrini hədələyib.

Xatırladaq ki, BRICS beş sürətlə inkişaf edən ölkədən – Braziliya, Rusiya, Hindistan, Çin, Cənubi Afrika Respublikasından ibarət olan qrupdur.

“Truth” sosial şəbəkə hesabında məsələyə münasibət bildirən Tramp BRICS qrupuna xəbərdarlıq edərək bildirib ki, əgər onlar yeni valyuta yaratsalar, ABŞ hökuməti bu ölkələrə qarşı gömrük rüsumlarını 100 faiz artıracaq.

“Biz istəyirik ki, bu ölkələr yeni BRICS valyutası yaratmayacaqları və ya güclü ABŞ dollarını əvəz edəcək başqa valyutanı dəstəkləməyəcəkləri barədə öhdəlik götürsünlər. Əks halda, onlar 100 faiz tariflərlə üzləşəcək və böyük ABŞ iqtisadiyyatına satışla vidalaşmalı olacaqlar. Gedib özlərinə başqa avam tapsınlar. BRICS-in beynəlxalq ticarətdə ABŞ dollarını əvəz etməsi mümkün deyil və buna cəhd edən hər bir ölkə Amerika ilə vidalaşmalıdır”, – deyə D.Tramp yazısında qeyd edib.