İranda Ekspertlər Şurası kimi seçdi? | Xameneinin yerinə görün kim gəldi - Baku TV

İranın yeni ali rəhbərinin adı açıqlanıb. Bu barədə "Mehr" agentliyi məlumat yayıb.

İranın sabiq ali lideri Əli Xameneinin ikinci oğlu Müctəba Xamenei ölkənin yeni ali lideri seçilib. Məlumata görə, Ekspertlər Şurası yeni ali lideri martın 8-də səhər saatlarında seçib.

Şura üzvlərindən Məhəmməd Mehdi Mirbaqeri ekspertlərin namizəd üzərində razılığa gəldiyini daha əvvəl açıqlamışdı. Bununla belə, Ekspertlər Şurasının katibliyi ABŞ və İsrailin zərbəsi nəticəsində həlak olan Əli Xameneinin varisinin adı barədə dərhal rəsmi açıqlama verməmişdi.

"Biz İranın yeni liderini seçdik. Xamenei soyadı yeni ali liderdə qalacaq", – deyə Şura üzvü "Al-Hadath" televiziyasına müsahibəsində bildirib.

Bu vəzifəyə ən çox ehtimal olunan namizədin Seyid Əli Xameneinin oğlu Müctəba olduğu düşünülürdü. Daha əvvəl onun bombardmanlardan birində yaralandığı barədə məlumat da yayılmışdı.

Qeyd edək ki, 56 yaşlı Müctəba Xamenei Ruhulla Xomeyni və ƏIi Xameneidən sonra İranın üçüncü ali lideri olub.

Xatırladaq ki, Seyid Əli Xamenei fevralın 28-də İsrail və ABŞ-nin aviazərbələri nəticəsində öldürülüb. O, 1989-2026-cı illər arasında İranın ikinci Ali Rəhbəri olub.