Pleyeri seçin:
Enerqodarda Kadırovçuların qərargahı partladılıb
Ukraynanın müvəqqəti işğal olunmuş Zaporojye vilayətinin Enerqodar şəhərində Rusiya Qvardiyasının “Axmat-1” diviziyasının kazarması partladılıb. Nəticədə Rusiya hərbçilərinin şəxsi heyəti zərər çəkib.
Bu barədə Ukrayna Müdafiə Nazirliyinin Baş Kəşfiyyat İdarəsi məlumat yayıb. Bildirilib ki, şəhərin Rusiya tərəfindən işğalından sonra “Kadırovçu”lar əvvəllər Ukrayna banklarından birinin yerli filialının yerləşdiyi Stroiteli küçəsindəki binanı zəbt edərək ondan öz ehtiyacları üçün istifadə etməyə başlayıblar. Daha sonra isə sözügedən ünvanda partlayış baş verib.
Eyni zamanda bildirilib ki, mülki əhali arasında ölən və yaralananlar qeydə alınmayıb.
“Binada yanğın başlayıb. Hadisə yerinə yanğınsöndürmə briqadaları və təcili yardım maşınları gəlib. “Kadırovçu”lardan ölən və xəsarət alanların sayı barədə məlumatlar dəqiqləşdirilir”, – deyə Ukrayna Müdafiə Nazirliyinin Baş Kəşfiyyat İdarəsindən bildirilib.
Kopyalandı
Seçilmişlər
