Ərdoğan BƏƏ Prezidenti Əl Nahyana "TOGG" bağışladı

Türkiyə Prezidenti Rəcəb Tayyib Ərdoğanla Birləşmiş Ərəb Əmirlikləri Prezidenti Şeyx Məhəmməd bin Zayed Al Nəhyan arasında ikitərəfli görüş baş tutub.

R.T.Ərdoğan BƏƏ Prezidentinə Türkiyənin ilk yerli istehsal elektrikli avtomobili “TOGG” hədiyyə edib.

Qeyd edək ki, “TOGG” 100 faiz Türkiyə tərəfindən layihələndirilib və bu layihə ölkənin sənaye mülkiyyətinə sahib qlobal marka yaratmaq məqsədi ilə həyata keçirilib. Avtomobil daha öncə Azərbaycan Prezidenti İlham Əliyev, Özbəkistan Prezidenti Şavkat Mirziyoyev, Türkmənistan Prezidenti Serdar Berdiməhəmmədov və Səudiyyə Ərəbistanının vəliəhd şəhzadəsi Məhəmməd bin Salmana və Qətər əmiri Əl-Saniyə təqdim edilib.