Ərdoğan İran Prezidentinin vəzifəsini icra edən şəxsə zəng etdi

Türkiyə Prezidenti Rəcəb Tayyib Ərdoğan İran Prezidentinin səlahiyyətlərini icra edən Məhəmməd Moxberə zəng edib.

Məlumata görə, telefon danışığı zamanı R.T.Ərdoğan İbrahim Rəisinin vəfatı ilə bağlı İran xalqına başsağlığı verib və Türkiyənin bu ağrılı gündə İranın yanında olduğunu bildirib.

İran xalqının kədərinə şərik olduğunu bildirən Prezident Rəcəb Tayyib Ərdoğan Türkiyənin İrana qarşı qonşuluq və qardaşlıq münasibətinin davam edəcəyini bildirib.

Prezident R.T.Ərdoğan Seyid İbrahim Rəisi və Hüseyn Əmir Abdullahianın Türkiyə və İran əlaqələrinə verdiyi töhfələrin hər zaman xatırlanacağını qeyd edib.