Ərdoğan Türkiyəni necə inkişaf etdirib?
Rəcəb Tayyib Ərdoğanın hakimiyyəti dövründə Türkiyədə bütün sahələr yüksələn xətlə inkişaf edib.
Ölkənin bütün bölgələrində universitetlərin ümumi sayı 76-dan 208-ə yüksəlib. Məktəblərdə olan sinif sayı təqribən 2 dəfə çoxalıb, müəllimlərin ümumi sayı isə 1 milyonu keçib. Səhiyyə sahəsində həyata keçirilən islahatlar da inqilabı xarakter daşıyaraq, dünya tibb sahəsi ilə ayaqlaşmağa başlayıb. Bu sahəyə ayırılan diqqət nəticəsində xəstəxanaların sayı 164 mindən 264 minə çatıb.
Bu gün Türkiyə 170 ölkəyə müdafiə sənayesi məhsulları ixrac edən bir ölkəyə çevrilib. Qurulan 152 yeni mütəşəkkil sənaye, 29 sənaye zonası və 94 texnopark ölkənin istehsal gücünü hər keçən gün daha da artırır. Qardaş ölkədə həmçinin dəniz və hava nəqliyyatında da ciddi irəliləyişlər əldə edilib ki, bu dövrdə hava limanlarının sayı 26-dan 57-yə, dəniz limanların sayı isə 37-dən 84-ə yüksəlib.
R.T.Ərdoğan sayəsində Türkiyənin xarici siyasətdə də təsir dairəsi ciddi şəkildə artıb. Son 21 il ərzində qardaş ölkənin diplomatik təmsilçilik sayı 163-dən 255-ə çıxarılıb. Məhz bunun nəticəsində rəsmi Ankara hər zaman barışdırıcı mövqedən çıxış edib ki, bu da bəzi dövlətlərarası münaqişələrin qarşısını almaqda mühüm rol oynayıb.