Ərdoğan və Putin arasında kritik zəng | Sizcə, bu, müharibəni dayandıracaq?

Türkiyə Prezidenti Rəcəb Tayyib Ərdoğan Rusiya Prezidenti Vladimir Putinlə telefonla danışıb.

İki ölkə lideri Ukraynadakı mövcud vəziyyəti müzakirə ediblər.

“Haber Global” xəbər verir ki, telefon danışığı zamanı Türkiyə ilə Rusiya arasındakı ikitərəfli əlaqələr, regional və qlobal məsələlər müzakirə edilib.

R.T.Ərdoğan Rusiya ilə Ukrayna arasında danışıqların üçüncü raundunun başlanmasının çox vacib olduğunu və tərəflər üçün uyğun tarixlər müəyyən edildikdən sonra Türkiyənin İstanbulda danışıqlara ev sahibliyi etməyə davam edəcəyini bildirib.

R.T.Ərdoğan həmçinin qeyd edib ki, Suriya təhlükəsizlik qüvvələrinin Əs-Suveydadan çıxarılmasından sonra baş verən qarşıdurmalar bütün bölgə üçün təhlükə yaradır.

O, İsrailin Suriyanın suverenliyini pozmamasının mühüm əhəmiyyət kəsb etdiyini də diqqətə çatdırıb.