Ərdoğan Yunanıstanın Baş nazirinə irad tutdu | Konfransda gərginlik
Türkiyə Prezidenti Rəcəb Tayyib Ərdoğanın Yunanıstanın Baş naziri Kiriakos Mitsotakislə birgə mətbuat konfransı maraqlı məqamlarla yadda qalıb.
Belə ki, o, çıxışı zamanı K.Mitsotakisin “HƏMAS terror qruplaşmasıdır” ifadəsi ilə razılaşmayıb və onun açıqlamasına düzəliş edib.
Nazirin sözləri ilə barışmayan Türkiyə lideri Fələstinlə bağlı mövqeyini bir daha ortaya qoyub: “Mən HƏMAS-ı terror təşkilatı hesab etmirəm”.
R.T.Ərdoğanın bu açıqlamasından sonra Yunanıstanın Baş naziri atəşkəsin imzalanmasında ölkəsinin maraqlı olduğunu bildirib:
“Türkiyə ilə xüsusilə Yaxın Şərq məsələlərində fikir ayrılıqlarımız var. Buna baxmayaraq, atəşkəsin dərhal imzalanması barəsində biz də sizinlə həmfikirik. Çünki Fələstin xalqı bu qəddar siyasətin qurbanıdır".
Məlumat üçün bildirək ki, İsrail ilə HƏMAS hərbi qruplaşması arasında müharibə 2023-cü il oktyabrın 7-də başlayıb. İndiyədək Qəzzada ölənlərin sayı 35 mini ötüb.
![icon](/images/loading.png)