Ərdoğandan Niderlandın Baş nazirinə xəbərdarlıq | Bunları nəzərə alın!

Türkiyə Prezidenti Rəcəb Tayyib Ərdoğan və Niderlandın Baş naziri Mark Rutte arasında telefon danışığı olub.

Tərəflər ölkələr arasındakı ikitərəfli əlaqələr, eləcə də NATO-nun yeni baş katibinin müəyyənləşdirilməsi prosesi barədə fikir mübadiləsi aparıblar.

Ərdoğan NATO-nun baş katibliyinə namizəd olan M.Rutteyə Türkiyənin alyansın yeni rəhbərindən gözləntilərini çatdırıb.

Onun sözlərinə görə, yeni baş katib terrorizm və digər çağırışlarla mübarizədə üzvlərin təhlükəsizliyi və maraqlarına ən yaxşı şəkildə xidmət etməli, alyansın birliyini gücləndirməsi və NATO-nun əsas roluna üstünlük verərək müəyyən edilmiş təcrübələrə riayət etmək üçün üzərinə öhdəliklər götürməlidir.

Türkiyə Prezidenti qeyd edib ki, Avropa İttifaqının üzvü olmayan müttəfiqlərin maraqları da nəzərə alınmalıdır. Belə ki, Ankara bu prinsipləri nəzərə alaraq strateji mülahizələr və ədalət çərçivəsində qərar verəcək.