Pleyeri seçin:
Ərdoğandan UEFA-nın Demiralla bağlı qərarına sərt reaksiya
"Kimsə almanların formasında qartal var deyirmi? Fransızların formasında xoruz var, niyə xoruzlanırsan deyirmi?”.
Türkiyə Prezidenti Rəcəb Tayyib Ərdoğan milli komandanın futbolçusu Merih Demiralın UEFA tərəfindən cəzalandırılmasına reaksiya verərkən belə deyib.
Bildirib ki, Merih orada bu görüntü ilə həyəcanını nümayiş etdirib.
Qeyd edək ki, Merih Demiral Almaniyada keçirilən AVRO-2024-də Avstriyaya 2:1 hesabı ilə qalib gəldikləri 1/8 final matçında “bozqurd” işarəsi göstərib. Almaniyanın tələbi ilə araşdırmalara başlayan UEFA 26 yaşlı müdafiəçini 2 oyunluq diskvalifikasiya edib. Türkiyə Futbol Federasiyası da məsələ ilə bağlı İdman Arbitraj Məhkəməsinə müraciət edəcək.
Məlumat üçün bildirək ki, "ay-ulduzlular" iyulun 6-da AVRO-2024-ün 1/4 finalında Niderlandla üz-üzə gələcək.
Kopyalandı
