Ərləri ilə münasibətə girən qadınları təhqir etdirən rəhbər kim idi? - ARAŞDIRMA
Çində keçən əsrin əvvəllərində baş verən inqilablar, çevrilişlər kasıb kəndli ailəsindən olan Mao Tsedunun həyatında dərin izlər buraxır ki, bu da onun elə gənc ikən marksizm idealogiyasının davamçısı olacağına qərar verməsi ilə nəticələnir.
1949-cu il oktyabrın 1-də M.Tsedun Çin Kommunist Partiyasının nəzarətində olan marksist-leninist birpartiyalı dövlət olan Çin Xalq Respublikasının yaradıldığını elan edir.
1958-ci il qurultayında “Böyük sıçrayış” proqramını önə sürən M.Tsedun bütün ölkəni sənayeləşməyə apardığını açıqlayır. Sovetlərdə kolxoza bənzəyən kommunalar təşkil olunur. Amma bu daha dəhşətli kollektivləşmə idi. Hər kommunaya 2 000 ailə təhkim edilir.
Onun 1958-ci il fevralın 15-də verdiyi qərara əsasən, sərçə, ağcaqanad, siçan və milçəklərlə mübarizə başlayır. Çin bioloqlarının araşdırmalarına görə, bu canlılar taxıla ziyan vururdu. Nəzərə alsaq ki, milçək, ağcaqanad və siçanları kütləvi qırmaq mümkün deyil, bu məsələ unudulmağa başlayır. Siyahıda yalnız sərçələr qalır və çinlilər onları kütləvi surətdə qırmağa başlayırlar.
Sərçələr məhv olunandan sonra Çin tırtılların və çəyirtkələrin çoxalaraq taxıla zərər verməsi ilə üz-üzə qalır və ölkə M.Tsedunun siyasəti nəticəsində tarixin ən böyük aclığı ilə sınanır.
Kommunalarda isə insanlar qul kimi işləyirdilər. Şəxsi həyat onların başını qatmasın deyə qadınlar və kişilər ayrı-ayrı yaşayırdılar.
Jurnalist Yan Tsijenin sözlərinə görə, evli cütlüklərin şəxsi həyatı yox idi:
“Olsa belə, çox gizli baş verirdi. Kimsə həyat yoldaşı ilə münasibətdə olardısa, buna şahid olanlar xəbərçilik edirdilər. Bu zaman qadınlar o qədər alçaldılırdılar ki, bəziləri hətta intihar edirdi”.
Böyük aclığın ən dəhşətli nəticələrindən biri adamyeyənlik idi. 1960-cı ildə Anhui əyalətində 1 289 belə hadisə qeydə alınıb. Fenyangda cütlük səkkiz yaşlı oğlunu boğaraq yeyib. Bəzi valideynlər öz uşağını öldürməyə cəsarət etmirdilər. Övladlarını başqa ailələrin uşaqları ilə dəyişirdilər və onların balalarını yeyirdilər.
#Çin teqi istifadə olunub
- Müharibənin nəticəsi kimi Çin və Türkiyə Yaxın Şərqdə çoxqütblü model quracaq? - AKTUAL GÜNDƏM
- Çində orta ömrü 80 ilə çatdırmaq məqsədilə plan hazırlandı
- Çin dollar milyarderlərinin sayına görə ABŞ-ni geridə qoydu
- İranda bu qədər müqavimət gücü hardandır? | Çinin dəstəyindən danışa bilərik? - AKTUAL GÜNDƏM
- Tariflər masadakı dostları Pekinə aparır
