Erməni general dələduzluqda ittiham olunur

Ermənistanın İstintaq Komitəsi general-mayor Qriqori Xaçaturovu saxlayıb.

Məlumata görə, onun həbsi ilə bağlı vəsatət hazırlanır. 3-cü Ordu Korpusunun keçmiş komandiri bir neçə gün əvvəl Milli Assambleyada Ermənistanın Baş prokuroru Anna Vardapetyanın keçmiş müdafiə naziri, Hayastan fraksiyasının üzvü Seyran Ohanyana qarşı cinayət təqibinin başlanmasına icazə verilməsi ilə bağlı müraciətini müzakirə etdikdən sonra saxlanılıb.

Hər 2 keçmiş yüksək rütbəli hərbçi 2 hərbi hissənin ərazisini satmaqla dələduzluqda ittiham olunur. Ohanyan artıq bəyan edib ki, bunlar köhnə və dağılmış tikililər, istismar olunmayan və büdcəyə əlavə xərc mənbəyi olan torpaqlar olub.