Erməni kilsəsi ilə hakimiyyət üz-üzə: İkinci Qareginə qarşı yeni cinayət işi hazırlanır? - Baku TV

Baku TV-nin dünya xəbərləri bölməsində Ermənistanda dövlət və kilsə arasındakı qarşıdurmanın pik həddə çatması — Bütün ermənilərin katolikosu II Qareginə qarşı cinayət işinin açılması mövzusu işıqlandırılır. Süjetdə bildirilir ki, 14 fevral 2026-cı il tarixində Ermənistan Prokurorluğu katolikos barəsində rəsmi ittiham irəli sürüb və onun ölkədən çıxışına qadağa qoyulub. İttihamlar kilsənin daxili intizam qaydaları ilə vəzifədən uzaqlaşdırılmış yepiskop Gevorq (Arman) Saroyanın məhkəmə qərarı ilə vəzifəsinə bərpa olunmasına katolikosun mane olması (məhkəmə aktını icra etməməsi) ilə əlaqələndirilir. Ekspertlər bu addımı Baş nazir Nikol Paşinyan hökumətinin kilsəni siyasi səhnədən uzaqlaşdırmaq və Avstriyada keçirilməsi planlaşdırılan Yepiskoplar Məclisini pozmaq cəhdi kimi qiymətləndirirlər. Katolikosun dindirilməkdən imtina etməsi və kilsə iyerarxiyasına qarşı artan təzyiqlər Baku TV-nin xüsusi təhlilində təqdim olunur.