Ermənilər niyə ölkələrindən qaçır? | Tərk edənlər bir də qayıtmır, çünki...

“Ermənistan əhalisi yaxın 10 ildə 800 min nəfər azalaraq 2,2 milyon ola bilər”.

Belə bir açıqlama ilə Ermənistanın Auditorlar Palatasının sədri Nairi Sarkisyan çıxış edib.

O bildirib ki, buna doğum səviyyəsinin aşağı olması, işsizlik, mühacirət və Qarabağ müharibəsi səbəb olub. N.Sarkisyanın sözlərinə görə, əgər bu temp davam edərsə, yaxın 25 ildə ölkədə erməni qalmayacaq.

“Ermənistanı tərk edənlər də geri qayıtmırlar. Statistikaya nəzər salsaq, təkcə 2023-cü ildə Ermənistanı 48 min vətəndaşın tərk etdiyini görərik. Bu ilin sonuna qədər bu göstəricinin keçən illə nisbətdə daha çox ola biləcəyini istisna etmirik.

Vətəndaşların ölkədə qalıb nəsil artırmaqlarını və Ermənistan üçün can yandırmaqlarını istəyiriksə, təqaüdlər, maaşlar artırılmalı və uşaq pulları verilməlidir. Aldığı pulla özü dolana bilməyən ailəsini necə saxlasın?!”, – deyə Nairi Sarkisyan bildirib.