Ermənistan daxilindəki yeyintilərə son qoya biləcək?

Dünya Bankı Ermənistana 92,3 milyon avro kredit və 16 milyon avro qrant ayıracaq.

Bunu etməkdə səbəb kimi isə Ermənistan hökumətinin 2024-cü il üçün büdcə kəsirini ödəmək göstərilir. Amma sözügedən bank bu krediti rəsmi İrəvana öz şərtləri ilə verir.

Yerli medianın məlumatına görə, Ermənistan rəhbərliyi iqlimlə mübarizə üçün qanunvericiliyi təkmilləşdirməlidir.

Bundan başqa, rəsmi İrəvan ölkə ərazisində islahatlar aparmalı və korrupsiya istiqamətində yeyintiyə son qoymalıdır. Ancaq bunun qarşısını almaq üçün hansı tipli addımların atılacağı barədə hələlik bir məlumat verilmir.