Ermənistan polisindən üzqaraldan nəticə | İmtahandan keçə bilmədilər

Ermənistanda polis əməkdaşlarının təxminən 40 %-i məntiq imtahanından keçə bilməyib.

Bu barədə ölkənin Daxili İşlər Nazirliyinin mətbuat xidməti məlumat yayıb. Bildirilib ki, attestasiyada 1 123 polis əməkdaşı iştirak edib, onlardan yalnız 190-ı bütün mərhələlərdən keçib.

Attestasiya məntiq, fiziki və atəş hazırlığının yoxlanılması, peşəkar bacarıqların yoxlanılması və müsahibə mərhələlərindən ibarət idi.

Ümumi biliklərin yoxlanılması mərhələsində 454 nəfər, bədən tərbiyəsi üzrə 192, atəş hazırlığı üzrə 279, peşə səriştəsi üzrə isə 8 nəfər imtahandan keçə bilməyib.