Ermənistanda Rusiya kanalları qadağan edilir? - Zaxarova açıqladı

“Biz Rusiya telekanallarının Ermənistanda yayımı ilə bağlı İrəvan tərəfi ilə əlaqə saxlayırıq, məsləhətləşmələr aparırıq, fikir mübadiləsi yekunlaşmayıb. Bu məsələ ilə bağlı İrəvanla sıx əlaqədəyik, danışıqlar davam edir”.

Bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə News.ru-nun müxbirinin sualını cavablandırarkən deyib.

“Birgə məqsəd bütün mövcud problemli məsələləri həll etmək və ortaya çıxan məsələləri qarşılıqlı hörmət əsasında həll etməkdir. Biz bu mövqedən çıxış edirik. Belə təmaslarda iştirak edən nümayəndələr məhz buna yönəlməlidirlər”, – M.Zaxarova əlavə edib.