Ermənistandan Rusiya sərhədçilərinin çıxarılması üçün rəsmi müraciət
“Ermənistan “Zvartnots” Hava Limanından Rusiya hərbçilərinin çıxarılması ilə bağlı Moskvaya rəsmi müraciət ünvanlayıb”.
Bunu Ermənistan Təhlükəsizlik Şurasının katibi Armen Qriqoryan martın 6-da jurnalistlərə açıqlamasında deyib.
Bildirib ki, adı çəkilən hava limanında rusiyalı sərhədçiləri ermənistanlı hərbçilərin əvəz etməsi üçün ölkəsinin hər cür imkanı var:
“Hakimiyyətin mövqeyi belədir – Ermənistan sərhəd qoşunları hava limanında xidmət göstərməlidir”, – deyə o, fikrini tamamlayıb.
Qeyd edək ki, bundan əvvəl Kremlin mətbuat katibi Dmitri Peskov Soçidə keçirilən Ümumdünya Gənclər Festivalı çərçivəsində çıxış edərkən deyib ki, “Zvartnots”da sərhədçilərlə bağlı heç bir qərar qəbul edilməyib. Onun sözlərinə görə, heç kim Kremlə bu qərarı rəsmi şəkildə çatdırmayıb.