Etiraz aksiyaları bütün ölkəni bürüdü | Prezident xalqa səsləndi

Keniyada hökumət əleyhinə keçirilən iğtişaşlar zamanı azı 10 nəfər həlak olub. Daha 50 nəfər yaralanıb.

Etirazların fonunda ölkədə fövqəladə vəziyyət elan olunub. Keniya Prezidenti Uilyam Ruto bu barədə ictimaiyyətə açıqlama da verib.

"Çox təəssüf edirəm ki, Keniyanın konstitusiya quruluşuna qarşı keçirilən etirazlar insan itkisi ilə nəticələndi. Həmçinin infrastruktura ziyan vurulması, dövlət qurumlarının və təsisatlarının, o cümlədən suverenliyimizin nişanlarının təhqir edilməsi kimi hadisələr baş verdi. Bütün bunlar milli təhlükəsizliyimizə qarşı təhdidlərə necə cavab verməyimizlə bağlı kritik bir dönüş nöqtəsi oldu”, – deyə o bildirib.

Qeyd edək ki, Keniya Müdafiə Qüvvələri polisə dəstək olmaq üçün bölgəyə yerləşdirilib. İyunun 25-də etirazçıların parlamentə daxil olması, həmçinin Nayrobi Şəhər Şurası binasının yandırılması ilə Keniyada vəziyyət daha da gərginləşib.