Eyni yerdə ikinci dəhşət! | Ölənlərin sayı getdikcə artır!

Portuqaliyanın paytaxtı Lissabon şəhərində “Gloria” funikulyorunun relsdən çıxması nəticəsində ölənlərin sayı 17-yə çatıb.

Onlardan 7-si kişi, 8-i qadındır. Digər 2 nəfərlə bağlı məlumat verilməyib. Qəza zamanı 21 nəfər xəsarət alıb. Yaralılardan 7-nin vəziyyətinin ağır olduğu bildirilir.

Qeyd edilir ki, funikulyor qəfil idarəetmədən çıxaraq küçə ilə eniş edən zaman binaya çırpılıb. Qəzanın səbəbi hələlik açıqlanmayıb. İki vaqonlu və hər vaqonunun 40 sərnişin tutumu olan funikulyorda qəza zamanı neçə nəfərin olduğu dəqiq məlum deyil.

Baş nazir Luiş Monteneqru hadisə ilə bağlı gündəlik proqramının bir hissəsini ləğv edib, yalnız Nazirlər Şurasının iclası və Ukrayna ilə bağlı “istəklilər koalisiyası” liderlərinin görüşündə videobağlantı vasitəsilə iştirakını saxlayıb.

“Gloria” funikulyoru Lissabonun mərkəzini Bayru Altu rayonu ilə birləşdirir. 19-cu əsrdə fəaliyyətə başlayan funikulyor 2002-ci ildə milli abidə elan edilib. Hər il ondan üç milyondan çox sərnişin istifadə edir. 2018-ci ildə də burada qəza baş verərək nəqliyyat vasitəsi relsdən çıxsa da, həmin vaxt itki olmayıb.

Hadisə ilə əlaqədar Lissabonda matəm elan edilib.