Fantastika reallığa çevrilir | Çindən aviasiyada inqilabi ixtira

Çin inqilabi hipersəs mühərriki təqdim edib. O, təyyarələrin saatda təqribən 20 min kilometr sürətə çatmasına imkan verəcək.

Yeni mühərrikin əsas sirri onun iki müxtəlif rejimdə işləyə bilməsidir. Saatda 8575 km-ə qədər mühərrik fırlanmalı detonasiya üsulu ilə fəaliyyət göstərir.

Bu proses enerjidən maksimum dərəcədə səmərəli istifadəni təmin edir. Bu sürətdən sonra mühərrik maili detonasiya rejiminə keçir – bu isə daha yüksək sabitlik və səmərəlilik verir.

Məlumata görə, bu texnologiya sayəsində təyyarə Parisdən Nyu-Yorka cəmi iki saata uça bilər. Üstəlik, bu mühərrik həm mülki aviasiyada, həm də hərbi təyyarələrdə tətbiq oluna bilər.

Ekspertlər sözügedən mühərriki texnoloji baxımdan ciddi bir sıçrayış hesab edirlər. Onların fikrincə, bu tip inkişaflar yaxın illərdə aviasiyanın yeni mərhələyə keçidini təmin edə bilər.