Fitso Rusiyaya görə vuruldu? | Zatulin sui-qəsd cəhdini şərh etdi

“Düşünürəm ki, bu, təkcə Fitso və Slovakiyaya deyil, həm də Rusiya-Slovakiya münasibətlərinə atılan güllədir”.

Bu sözləri Rusiya Dövlət Dumasının deputatı Konstantin Zatulin Slovakiyanın Baş naziri Robert Fitsoya qarşı sui-qəsdi şərh edərkən deyib.

O, hökumət başçılarına qarşı təsadüfi sui-qəsd cəhdlərinə inanmadığını bildirib.

K.Zatulin sui-qəsdin Fitsonun Avropa və dünyadakı vəziyyətlə bağlı mövqeyi ilə bağlı ola biləcəyini istisna etməyib.

Qeyd edək ki, Slovakiya Baş naziri Robert Fitsoya sui-qəsd edilib. O, hökumətin iclasından çıxarkən güllələnib. Hazırda xəstəxanada əməliyyatdan çıxan Baş nazirin səhhətinin stabil olduğu bildirilib.